بیرتنقیدی ملاحظه!
محمدکاظم امینی
اوزبیک خلقی اوعانستان چیگره سیده سونگی بیرعصرمابینیده مادی ومعنوی جهتدن اوته قشاق ایلگه اولگورگن.اگرگرده۱۹۷۸ییللرگچه اوشبوایل-خلق بیلن عمدی روشده مسلط هژمونیستیک سیاستلرقرشی چیقیب،اولرنینگ بیلیم ومعرفت همده مدنیت دن چیتلنتیرسه-ده انه شوتاریخدن باشله ب اولکه بوییچه یوزبیریب تورگن سیاسی اوزگریشلرطفیلی یوزه گه کیلیب،اوشبوخلق نامیدن سیاسی سوادگرلیککه باشله گن قوراللی گروه لرونظامی لیدرلربوتکلیف نی اوزذمه سیگه الدی.
بیزیشه ب تورگن اوغانستانده،تنقیدی قره ش بیلن قره گنده اوزبیک-تورکمن ایلی اقتصادی،سیاسی،فرهنگی،مدنی وبرچه دنیوی ساحه لرده اوغان،تاجیک وهزاره لردن اقتصادی وفرهنگی جهتدن ارتده قالگن ایل سنه له دی.بوگپ تهمت وبهتان ایمس بلکه بیراچیق حقیقت.بونگه کیم عیبداروکیم عیبدارایمسلیگی اوزی ینه بیر مسلکی بحث نی طلب قیله دی،البته .
کیلینگ حساب اله یلیک !
اوزبیک-تورکمنلرگه قره شلی اولکه بوییچه قنچه عامه وی خبارات واسطه لریمیزبار،مرحمت قیلیب سانینی یازیب قویینگ؛
۱.قنچه تیلی کانال؟
۲.نی قدر رادیو؟
۳.نی قدر خبری اژانس واخبارات پایگاه لری؟
۴.قنچه مدنی جماعه وجمغرمه لر؟
۵.نی قدرشخصی وخصوصی بیلیم یورت ویوکسک اورگه نیش موسسه لری؟
۶.نی قدرروزنامه،هفته لیک،ایلیک وفصلنامه بوتیلده ترق له دی؟
۷.نی قدرطلبه لرهرییلده چیت ایللرده یوقاری تحصیل اوچون جونه تیله دی؟
۸.اوزبیک تیلی وادبیاتی ساحه سیده نیچه تحقیقاتی مرکز قوریلگن؟
۹.اولکه سطحیده نی قدر بوتیلگه عایدنشراتی مرکزلرفعالیت الیب بارماقده؟
۱۰…..
۱۱….(بوش اورینلرنینگ ارزیگولیک معلوماتلرینگیزبیلن تولدیریب قویینگ)
مین حیاتیم نینگ اوچ قسمیدن ایکی قسمینی سفروبدرغه لیکده اوتکزیب واوتکزماقده من،لیکن یقین-اوزاق چیت ایللرده هم،اولکه ایچکریسیده هم هیچ بیرخلق وایلنی اوزبیکلرچه جاهل،متفرق،بیلیم ومعرفتدن اوزاق،اواره،بدرغه،بی ایگه،بیکار،معتادکورمه دیم.وضعیت جوده یامانله شیب کیته یاتدی.
قطاراوزبیک-تورکمن نشین ولایتلرده اقتصادی-مدنی وضعیت دهشتلی بیراحوالده کیلگن.منتظم روشده یولگه توشگن پروژه وی استعماری-مافیایی اوروشلرهلی هم دوام ایتماقده،هرکون اوتیشی بیلن یوزلب-مینگله ب
اوزبیک-تورکمن فرزندلری مکتب باریش نعمتیدن محروم ایتیلیب،افراطیت قربانی لرگه ایله نماقده لر.بوندن۲۰ییل بورون شمال اهالیسی طالب سوزی بیلن بیگانه ایدیلر.طالب دیگن ذات یالغیزاوغانلرگه خاص بیرنرسه ایدی، بنگوارماده لرگه چالغینیش هم خوددی شونده ی.لیکن هلی قره نگ!
قیصاردن،شیرین تگاب،قرمقولدن،اقچه،کشم دن امامصاحب وخواجه غارگچه استقامت قیلووچی تورک اوتراق اهالی،طالب وداعش نینگ ناغاره چی سیگه ایله نیب قالگن.بوگپلرنینگ همه سیگه کیم عیبدار؟!
لیکن شونده ی حالده هم اجتماعی ترماقلرده قره سنگیزمنم دیگن ییگیتلریمیزیوزله مه گی دنیازرق-برقی گه بیریلیب،اجتماعی تورموشده گی ایل-اولوس،جامعه،حتاکه اوزعایله لری نینگ بیزاوته قیله دیگن موضوعلرگه اینابت قره تمسدن،عادی گینه حیاتی وشخصی معمالر بیلن سرگردان.
بیزحاضرایسه۲-۳عصرمحرومیت ومملوکیتده یشه ب،هژمونیزم تابانبده ایزیلیب-یینچیلگن اوزبیک اولوسی نینگ ارتجاعی قراسیاستلراساسیده ایریم ولایت،تومن وساتقینچی سیاسی گروه وکیمسه لرمنفعتیگه اساسن پرچه لب،اونینگ نامیدن سوداگرلرلیک دوکان اچیب،تجارت قیلیب کیلماقده میز.
مین حیات کیچیریب تورگن اوزبیکلرحیاتیده شو ان ده،شونده ی دهشتلی حقیقتلر،اجتماعی تورموشده یوزبیریب تورگن که هربیروجدانلی کیمسه عقلینی لال قالدیره دی-یو مینگدن بیرینی یازدیریلیب قالمسدن،اوشبوفلاکتلرنینگ دردینی چیککن قرابخت انسانلربیلن توپراققه تاپشیریله دی.
