بو مبارک یازی  کابل ده  ۱۳۳۰  ده حمل برجی نینگ ۷ نجی کونی ده مرحوم استاد خیری قلم لری ده یازیل میش .ان شالله  کوب یقین ده  بو یازی نینگ اورجینال نسخه سی نینک عکسی نی خدمتینگیز گه تقدیم قلیه من. مبارک فاتحه سوره سی بویازی نینگ باشی ده یازیلگن وادامه سی شوندی بولوب کیله دی:

عزیز وطنداشلریمز!

بوکون که ، الوغ تانگریمیز  مرحمت ایدوب اسلامی  دیموکراسیمیزی  مهربان ایلاب  حاضر لابدور کیم  وفاق ملتنی قویسون کیم اوز مقدرات لری نی  اوز لاری  اویلاب  تاپوب وطن لارینی  سعادتی ایچون بشقه آزاد ملت لار گه اوخشاب  آزاد لیق بیرله  سوزلاشوب یراتکانمیر رضا برله حضرت پیغمبر یمیز  سنت لرینده  موافق  یول لارغه توشوب  یورت لارینی  اصلاحات ایتسون لر ؛ بیزم کوزیمیزه  بیر قدر لیک کون در.

بوکون دی  کوبدن کوب  قدر و اعزاز  ایتماک کیره کدر.

بوکون دی قدر بیرماغی ایچون ، اولوغ تانگریمزحضرتنه  شکر لار عرض ایتمک ایچون  حکومتمیز ننگ  مهر بانلیغی تقدیر ایتمک ایچون بیز هم اوز نوبتی میز گه ، اوز انا تیلیمیز  بیرله یازمک که باشلاب سوزی میز نینگ باشینده  مبارک  فاتحه سوره سی نی یازدوق  که بیز وسیز ه بوتون  حرمتلو  اوقوچی لاریمیزه  بر بیوک  خاطره  بولوب  سوزیمیزنگ  افتتاحی و اجتماعی ینگی  حیاتیمیز ده طوغرو هدف ومرامیمیز نگ  باشی بولوب  تورسون .

انگلاسون لار کیم بیز لار الحمدالله مسلمان میز ، حیاتیمیز ننگ تینچ لیگی  ایچون  مقدس دینی میز نی  نی قدر حکمتلی بیوروغ لاری بار دور کیم  اجنبی  لار اوندن  اقتباس ایدوب  آتی نی دیموکراسی حکومت  قویوبدرلار.

انگلاسون لار کیم بیر حیقیقی  دیموکراسی ، اسلام حکومتی دیر . دیموکراسی ، یعنی( خلق حکومتی )ننگ  مهم رکنی عدالت بیرله مساوات در. ایمدی مطالعه ایتنگ کیم بو مبارک سوره نه  دیور:

“ شکر ایدرز  ایکی عالم نی ربی حضرتنه کیم عفو ایدیجی ومهربان دیر .جزا کونی نینک مالکی دیر . ( ای الوغ تانگریم )  بیر ، سینی عبادت ایدوب ؛ بیر سیندن  یار لیق تیلار من .

کورسات بیز گه طوغرو یولنی .اول کیشی لارنی یولینی بیز گه کورسات کیم  اولار گه  مهمربان لیغ ایتوب سن  .

اولار نی که  حق لار ینده غضب ایدوب سن ، اولار نی یولی نی کورسات مه ، هم اداشکان لار یولی دن بیز لارنی  ساقلا.  آمین .

بومبارک سوره مسلمان لرنی  همه دن اول عدالت گه بویوروب ، ظلم ایله ظالم قارشی لیغینده توصیه توصیه ایدوب بیلدیریور کیم  ظالم دن قورقمانگ . نیمه اوچون کیم ایکی عالم نی ربی ، بو دنیا و او دنیا ، وار و یوق ، ییر و کوک ، یخشی و یمان و یا اداشکان و یا اداشمه کان یا ظالم ویا مظلوم نی یراتگانی و ربی بیر دور.

هرگز ظلم دن راضی بولوب مظلوم نی ظالم لار قولنده قویمز . اگر مظلوم لار اوز ییگه لاری نی تانوب اوزگا سینده قل لیک ایتمسه لار …!

عاقل کیشی بیلیور کیم  همه نی ایگه سی  بیر بولغانده  اول ییگه  عادل بولوب  هر کیمدن عدل ایستر .

ایاک نعبدو ایاک نستعین دیگانی  ، مسلمان لرنی حریتی نی کورساتور کیم تانگری دن بشه گه قل لیق  ایتمای کیشی دن  معاونت ایتمه سون لر .

طمع  بیرله قل لیق نی مرادف لیغینی  بیلدوروب  ایستیور کیم  طمع سیز گه قل لیق نی گیریور . طمع نی ، خلق دن اوزوب ، یراتگان گه بغلانگ …! هر بیر لیقده  اوندن معاونت ایسته نک

اهدنا ، دن  چیقادیر کیم ایگری یول طوغرو یول ، ایکاوی هم  تانگری  سریدن در.  اداشکان لر نی هم مغذور توتینگ سیز گه اول اوزی مهر بان لیغ  ایدول حق یولی نی کورساتیبدور . تانگری غضبی دن قورقونگ ،ظلم یولینی  قویونگ  ، عفویدن توبه بیلن  استفاد ه قیلنگ ، بولمه سه غضبی گه قالول سیز نی هم اداشتورار. شو ایچون بو مبارک سوره  قر ان شریف نی باشی بولوب هر نماز ده بلکه هر رکعت ده  بر قلا  اوقوماغی لیغی امر بولوبدور کیم  دینیمزینگ  اساسی بیوروغ لری انده بار دور. مرحوم نادم دیور کی :

یارب همیشه لطفینگنی ایت  رهنما بنگا        ،         گوستمرمه اول طریق که یتمز سنگا بن گا

عزیز وطنداشلریمز!

بیز سیز که  مسلمان بولوب ینه بیر دینا که ایمانیمز بار در که اونی جزا کونی دیر لار .کیره ک هیچ زمان بیر بیریمز گه ظلم ایتمای  شخصی  حریتی میز نی اسره ماغ کیره ک در. عدالت گه یار اولالیق تا کیم براتگان هم بیز نی ظالم گه قویمای عزیز یورتیمز  افغانستان نی  بلالردن اسراسون … امین .“

”کابلده – 1330  حمل برجی ننگ 7 نجی کونی .“

میمنه لی خیری