افغانستانلیگ تورکلرنینگ مدنی فدراسیونی«ففتا» نی حازم وهمت نی قیلگن عمللرینینگ

0
138

  افغانستانلیگ تورکلرنینگ مدنی فدراسیونی«ففتا» نی حازم وهمت نی قیلگن عمللرینینگ

                                        توغریسیده ابلاغیه سی

                                 باش کون یا شنبه کونی 14 اپریل 2018

اروپا

حفیظ حازم نینگ شبرغان شهریده ففتا آتیدن اوتکزگن محفلی باره سیده قنداق قضاوت قیله سیز لر؟

 لطفاً حازم صاحب صداقت و وجدان بیلن قوییده گی سوال لرگه جواب بیرسونلر:

1- بیرینچیدن، حرمتلی حازم صاحبدن سورش کیره ک که قچان ففتا گه عضو بولدینگیز، افغانستان تورکلری مدنی فدراسیونی اساسنامه سی بیلن قنده ی علاقنگیز بار؟

2- افغانستالیک تورکلری مدنی فدراسیونی 17 می 2008 ده تیلبورگ شهریده تاسیس ایتیلگن کوندن کیین، بوتون حیاتینگیزجریانیده شو کونگه چه ففتا نینگ مرامی آماجلری بوییچه بیران ایش و فعالیت آلیب باریب و بیران مرته حق العضویت بیرگن می سیز؟

3- ساده گینه بیر سوال: آیا بیران مرتبه هم ففتا نینگ اساسنامه ومرامنامه سینی اوقیب کورگن سیزمی؟

4- اگر اوقیب کورگن بولسنگیز، ففتا(فدراسیون فرهنگی تورکان افغانستان) نینگ ایسکی وینگی اساسنامه وبرنامه لری نینگ  قیسی ییریده ( فدراسیون فرهنگی تورکتباران افغانستان) دیب یازیلگن که سیز اوز صحبت لرینگیزده «تورکان» سوزینی «تورک تباران»گه تبدیل قیلیب سیز؟

5- سیز اوزینگیز گه بیرشاهانه مقام قایل بولیب، (رئیس عمومی فدراسیون فرهنگی تورکتباران افغانستان) کبی کتته عنوان یره تیب سیز وهر ییرده بو عنوان نی افتخار بیلن اوز اسمینگیزگه قوشیب ایتیب و یازیب یوره سیز وهیچ اویله میسیزکی ففتا نینگ اساسنامه لریده بو شکل بیر عنوان هیچ قچان بولمگن.

سیز ایشله ته دیگن(رئیس عمومی فدراسیون فرهنگی تورکتباران افغانستان) اتَمه سی، 26  دسمبر 2008 کپنهاگن جرگه سیده تصویب بولگن بیرینچی اساسنامه ده (اوشه جرگه ده سیز ودوستلرینگیز اپوزیسیون صفتیده اشتراک  ایتیب، اساسنامه نی تصویب وجمعی امضا قیلیشدن بیر کون کیین،  بیر اعلامیه نی محترم انجنیر اکرم پیکار اسمیدن، آریایی سایتیگه ترقتیش دن سونگره، ففتا بیلن مقاطعه لرینگیز نی اعلان قیلدینگیز لر) و 17 می 2014 سویدن اولکه سی مالموده اوتکزیلکن قورولتایده تعدیل وتصویب بولگن ففتانینگ ینگی اساسنامه سیده و شونینگدیک سیز وجناب همت فاریابی عمداً اشتراک قیلیش دن ابا قیلگن بروکسل اوچینچی قورولتاییده تعدیلات بیلن قبول قیلینگن اساسنامه ده کوزگه کورونمیدی کو! حتی مالموده قبول قیلینگن تعدیل لرده و ففتانینگ بوگونگی نافذ اساسنامه سیده رئیس لیک مقامی بوتونلی اورته دن کیتگن وففتا رهبرلیگی دورانی شکلده بیر شورا آرقه لی تصویب بولیب وتا شو کونگه چه هم اعتبار گه ایگه! اونینگ بیرینچی رهبرلیک شورا مسئولی حرمتلی محمد عثمان بیلیم ، ایکینچی سی حرمتلی اسدالله آسیابان، اوچینچی سی هم حرمتلی نجم الدین محمودی بولگن وتا شو دمگه چه هم شو سیستم نافذ واعتبارگه ایگه!

اصولا حقیقت شونداق بولگن حالده،‌ سیز بو ریاست عمومی عنوانینی قیسی ییردن ساتیب آلیب ففتا گه ایگه چیقماقچی بولگن سیز؟

6- البته اگر ففتانینگ اساسنامه لرینی اوقیب کورگن بولسنگیز ایدی، اوزینگیز بیلر ایدینگیز کی، ففتا نینگ رهبرلیک شوراسی اعضالری هیچ بیر زمان، هیچ بیر حزب گه منسوب بولالمایدی! یعنی ایسکی اساسنامه ده رئیس وینگی اساسنامه لرده رهبرلیک شوراسی اعضالری نینگ حزبی بولمسلیکلری بیر اساسی شرط و اوزگرمیدیگن بیر اصل دیر! حال بوکه سیز بیر حزب ایمس بلکه بیر نیچه حزب جمله دن «حزب نهضت فراگیر میهنی محمود بریالی» و «حزب جنبش نوین» ده مستقیم عضویتینگیز بار! قندای قیلیب بیر مشخص سیاسی حزب نینگ اعضا سی  ففتا دیک بیر مدنی فدراسیون نینگ رئیسی بولیشی ممکن؟

7- همه دن جالبراق بوکی سیز فدراسیون فرهنگی تورکان(تورکتباران) افغانستان نینگ عمومی رئیسی صفتیده، قیسی قورولتای آرقه لی، قچان و قیسی ییرده، ففتادن نماینده لیک قیلیش حقوقیگه ایگه بولگن قیسی کیشی لرنینگ اشتراکی بیلن انتخاب  بولگنسیز!

8 ــــ 6 جنوری 2018 کونی سیزلر ترقتگن اعلامیه گه کوره  بوسوال نی هم سیز(عضو ففتا ایمس)،‌ حرمتلی همت (ففتانینگ ایسکی رئیسی2014 گه چه) و حرمتلی محمد آصف براتی(ففتاده عضویتلری یوق) اشتراکلرینگیز بیلن، گویا اوچ کیشیلیک قورولتای لرینگیز نی هالیند ایچیده بیر نامشخص آدرسده دایر قیلیب  واوشه ییر ده خود کوزه وخود کوزه گر وخود کوزه خر بولیب سیزنی رئیس عمومی، براتی نی مسئول مالی وهمت نی هم  سخنگوی توه زتگن سیز لر! ایتیب بیراله سیزمی بوشکل بیر قورولتای دنیا اولیدن تا شو کونگه چه بشقه بیران ییر جایده  کوریلگنمی!

9- جناب حازم لطفاً بو سوال گه هم جواب بیرینگ: ففتا نینگ مالی صندوقی جناب همت نینگ اسم لریگه اون ییل دن بویان بیربانک ده راجستر قیلینگن ایدی. بو صندوق حاضرسیز لرنینگ قبضه لرینگیز گه توشگن. اونده بارمبلغلر ففتا اعضالری نینگ حق العضویت لری واعانه لریدن توپلنگن ایدی. قیسی وجدان بیلن بو حسابگه ایگه چیقیب  وحاضر سفر خرچینگیزنی اوندن آله سیز؟ بو ایش آچیقدن آچیق اوغریلیک ایمس می؟

10- همه دن مهم راق بو کی سیز شبرغان شهریگه، آئینه تلویزیونی آرقه لی ففتا اتحادیۀ اروپاده ثبت وراجستر بولگن بیر نهاد دیب اعلان قیله سیز ! آیا شو گپلرنی ایتیش چاغیده اویله مدیز می کی ففتا محترم دوکتور همت فاریابی نینگ جعل وتقلبی بیلن هالیند اولکه سیده بیر کانون فرهنگی ایمس، بلکه ساده بیر «شخصی خیریه بنیاد» شکلیده ثبت بولگن. اونی هم  برچه همه کاره سی شخصا دوکتور همت جنابلری دور و شو اون ییل دوامیده، یوزلب مرتبه سوره لگنده بیر مرتبه هم هیچ کیم نینگ سوالیگه نه حساب مالی ففتا دن ونه هم مسألۀ راجستر ففتا دن جواب بیرمگن ! بو موضوع دن هم همه دن اولراق، سیزاوزینگیزنینگ خبرینگیز بار ایدی، مصلح صاحب وشهرانی صاحب گه بیرینچی قورلتایدن سونگره بوموضوع نی خبر بیریب وتشویش کورسه تگن ایدینگیز!

آچیق ایتیش کیره ک بو ففتا نینگ اروپا اتحادیه سیده ثبت و راجستر بولگنی ادعاسینی قه ییر دن چیقریبسیز لر؟

11- بیز بیلالمدیک کی تشقی مملکت لرده تحصیلی بورسیه لر وعده سینی یاش ییگیت لر اوچون قیسی بیر اطمینان وپشتوانه بیلن بیریب توریبسیز! هیچ اویله گنمیسیز بو کبی بیریلگن وعده لرنینگ ایرته جواب بیریشی هم بار.

12- بیز لر یعنی حقیقی ففتا چیلرنی، سیز لر سیاسی فعالیت لر گه متهم قیلیب وبرچه ییرلرده پروپاگند ایته سیزلرکی بیز لر جنبش ملی اسلامی نینگ خدمتیده میز! اما اوزلرینگیز کیملرنینگ خدمتیده ایکن لیکلرینگیزنی کورمسلیک که اورسنگیز هم، برچه دنیا آچیق کوزبیلن کوروب توریبدی! بوقندی بیر اویین!

13- سیز جناب حازم  واورتاغینگیز جناب همت اونلب مرتبه بیز لربیلن اولتیریش وتفاهم گه ییتیش پیشنهاد لرینی یوباریب، بیر مرتبه هم اوز وعده لرینگیز گه وفا قیلیب، اوشه آدملر حضوریگه کیلیب، ففتا رهبرلیگی گه ایتمگن سیزلرکی نیمه اوچون بوقبیح عمل گه قول اوریب، مدنی فعالیت قیلیب تورگن افغانستانلیک تورکلرجماعه سی نینگ اعتبار وحثیتیگه ضربه اورماقچی بولدینگیزلر! نیمه ضرورت بار ایدی کی بوشکل بیر تخریبی فعالیت گه قول اوریب، افغانستانلیک لرنینگ آره لریده نفاق وبی اعتماد لیک دانه لرینی ساچیب چیقدینگلر؟ اگر شو مقام ریاست گه ایگه چیقماقچی بولسنگیز، قورولتایگه اشتراک ایتیب، فکر لرینگیز نی ایتیب ففتا نینگ رهبرلیگی گه ایگه بولیشینگیز ممکن ایدی کو! بو شکل بوزمه کار لیک عملینی خیانت ونفاق افگن لیگدن ، بشقه نیمه دیب اتش ممکن؟

14- بیرینچی کوندن تا حاضر گه چه، هیچ مدعا ومقصد سیز، فقط ملت ومردم نینگ حق وحقوقی اوچون، برچه حیاتلری جریانیده مبارزه قیلیب کیلگن بیرخیل ففتا اعضالریگه، بعضی ناروا تهمتلرنی نسبت بیره سیزلر، بوکبی اتهام لرنی فقط شئونیستی وفاشیستی حلقه لر استفاده قیلیب کیلیشماقده، سیزلر هم فاشیستلر بیلن همصدا بولیب ستمی، سکتاریست ، تجزیه چی، پان تورکیست وغیره دیب چرقیره یسیزلر. سیز لربیلن حکمتیار، طالب، افغان ملت وبشقه لرنینگ نیمه فرقی بار؟

15 ففتا نیگ انتر نیت صحیفه سینی قیسی وجدان بیلن ایگه چیقیب وقبضه لرینگیزگه آلیب توریبسیزلر؟ بو صحیفه هم ففتا اعضالری نینگ پول ویاردملری بیلن تآسیس ایتیلگن . سیز لرقیسی منطق بیلن مونگه اوزلرینگیزنی ایگه دیب بیله سیز لر؟

 «مثلث همت، حازم وبراتی» دن تقضاضا قیله میز کی یوقاریده گی سوال لر گه منطقی جواب بیریش بیلن اوز وجدان لرینی آسوده قیلیب، مردم نینگ بو ناقولی اتفاقسیز لیک و پروپاگندی احوال دن چیقیشی گه یاردم  بیرسینلر.

ففتا رهبرلیک شوراسی

 

 

پاسخ ترک

Please enter your comment!
Please enter your name here