دیپلوم انجنیر نجم الدین محمودی نوبتی شورا باشقرووچیسی اوقیگن اساسی گزارش.

0
1008

اولوغ تنگری آتی بیلن!

حرمتلی ففتا اعضالری وبوگونگی توپلمده  حضور تاپگن اولوغوار ضیالی شخصیت لرو بیلیمدانلر، اوغانستانلیک تورک اولوغ جماعه سی وبرچه تیلداشلر واولکه داشلر نماینده لری، السلام علیکم!

بیرینچی دن، بو قیین احوالده کته زحمت لرنی قبول قیلیب برچه اوغانستان خلق لری وجفا گورکن تورک ملتیمیزنینگ یانیده بولیش مقصدیده، ففتا نینگ اوچینچی قورولتایی گه سهم آلیش اوچون تشریف بویورگنلیکلرینگیز اوچون برچه لرینگیزگه خوش کیلیبسیز دییمن و تنگریم دن بو بویوک وشاندار ییغیلیش، اولکه میز وخلقیمیزگه صلح  و ايركين لیک که یول تاپیش اوچون بیر یخشی جمعی عمل بولسین دیب استدعا قیله من .

حقیقت دن هم اوغانستان برچه اولوسلری و خاص شکلده تورک خلق لری، ایسکی زمانه دن تا شو بو کونگه چه کوپ قیین احوال لرنی باشدن كيچيريب، یوزلر محنت وعذابلرني، سیستماتیک تبعیض، تعصب، عدالت سیز لیگ، برابر سیز لیگ، تباری ونژادی تصفیه لر، فرهنگی باسقینچیلیکلر، جعلی تاریخ یره تیش و تاریخ یوغاتیشلر، قومی ونژاد پرست لیک كبي عمللر و فتنه لرنينگ ، ایری ایری حیات ساحه لریده  تحمل قیلیب،‌ حاضرکی زمان گه چه هم بو تاریخی، اجتماعی، سیاسی وفرهنگی جفا لردن قوتولیش وچیقیش یوللرینی آچیب تاپالگنلری یوق.

ففتا بوندن توققیز یریم  ییل آلدین، شو تاریخی وانسانی آفتلر لر گه قرشی، بیر چوقور علمی وتاریخی بیلیم وتجربه لر اساسیده، اوغانستان تورکلری وبشقه محروم ملیتلرنینگ ، ملی ستم و حق تلف لیکلرنی برابریگه علمی وعملی اسلوبگه بیرلشتیریش آماجی بیلن،

2008 یيل می آیی نينگ17 سیده ، اوزاق مدتلی تلاش وتجربه لرنتیجه سیده، بیر شاندار ییغیلیش واولوغوار بیلیمدانلر وضیالی انسانلر اشتراکی بیلن، هالیند اولکه سینینگ تیلبورگ شهریده اساس سالیندی.

بو مدنی فدراسیونگه اساس سالیش یولیده نیچه نسل دن قالگن عدالتخواه لیک کورشلری تجربه  سی، ملی شخصیت لر وعدالتسیورانسانلرنينگ سهم وتلاش لری، شونینگدیک برچه بارلیک وعزیز جانلرینی بو یولده ایه می قربان ایتگن بیر بویوک جماعه نینگ فداکارلیکلری،  کوپدن کوپ ارزشلی ویاردمچی بولگن. بیز بو گون اوشبو محفلده بار کیشیلر طریقیدن برچه لریگه ممنونیت و قدر دانلیک بیلدیریب، الله تعالی دن ایکی دنیا سعادتینی اولرگه استدعا قیله میز.

شو لحظه، شو قورولتایده اولرنینگ ابدی خاطره لرینی ایسلب اوتیشنی اوزیمیزنينگ بورچیمیزدیب بیله من. ففتا و سیز لرنینگ آدرسلرینگیزدن برچه اولوغوار ملی شخصیت لریمیز: شهید محمد طاهر بدخشی، رحمتلی عبدالکریم نزیهی، رحمتلي پروفيسور غلام محمد ميمنگي، رحمتلي امام بيردي اوزبيك، رحمتلي غلام علي اميد، شهید شهرالله شهپر، رحمتلي مولانا جوهری جوزجانی، رحمتلی  استاد محمد عمر حلیم بیات، رحمتلي محمد كريم ذره عظيمي ، رحمتلي محمد قاسم قاضي زاده، رحمتلي قاضي ضياؤ الدين ضیا، رحمتلی عبدالستار گلشني، رحمتلی عبدالاول قریشی، رحمتلی نورالله تالقانی، رحمتل قاری محمد عظیم عظیمی، رحمتلی استاد قیام الدین برلاس راعي، مرحوم ابوالخیر خیری، مرحوم نظر محمد نوا، مرحوم ایرگش اوچقون، مرحوم محمد امین اوچقون، مرحوم دوکتور برنا آصفی، مرحوم نذیر قل خان کاروانباشی، رحمتلي عبدالرووف نفير، مرحوم مولوی علاوالدین، رحمتلی جنرال عبدالغفور فاریابی ، رحمتلی استاد هدایت الله هدایت، رحمتلی استاد عبدالکریم  بهمن، رحمتلي حاجي محمد صادق نبي، شهید مولوي عبدالحكيم حفيظي ومینگلر بشقه  لرنینگ ارواحلریگه مغفرت ورحمت التجا قیلیب یادلری ویورگن یوللری اونوتیلمس بولسین دیب آرزو قیله میز.

شونینگدیک أوز مادي ومعنوي ياردملري وسهم آليش لري بيلن ففتا نينگ توزاليش ودواميگه ياردمچي بولگنلر: حرمتلي پروفيسور عنايت الله شهراني، دوكتور قمرالدين مصلح، دوكتور أمان الله عصمتي، دوكتور عبدالمنان تاشقين، دوكتورمحمد اكبر همت فاريابي،  استاد توردیقل میمنگی، حرمتلی سینگلیميزفرشته بيگم ضيايي وبشقه يوزلب علمي وفرهنگي شخصيت لرگه چین یورکدن تشکر بيلديريب، قیلگن فعالیت لری اوچون اولرگه ممنونيت إظهارایتیشنی اوز بورچیم دیب بیله من.

ففتا آزمدتدن کیین یعنی 17 می 2018 ییلده اون یشرليگي نی تولدیره دی .حقیقتدن هم، بو آغيردور تاریخیگه چه بیزلر نینگ اولکه میز ده، ففتا دیک بیر نهاد نینگ یوزه گه کیلیب، یوز لب آفت و بلالردن قوتیلیب، اون ییلدن سونگره هم ییتر لی درجه ده امکان باریچه اوز مدنی واجتماعی فعالیت لرینی، بو ویران بولگن اولکه وجفا کوریب ایزیلگن اولس برابری ده ایلگری آلیب باریش کوچیگه ایگه بولگنلیگی، اوزی بیر کته یوتوق حسابلنه دی و کیله جک نسل لر اوچون کتته  اهمیت گه ایگه بولیب خدمت قیله دی.

ساده چه  و توپپه توغری ایتیش کیره ک کی، ففتا اگر کوپ بویوک ایشلرنی بجرالمگن بولسه هم، کیچیک و امکانی بار ایشلرنی عملگه آشیریب، کته ایشلرنی بجریش یولیگه کیریشنی کیله جک اولاد و ینگی نسل لر گه قالدیریشی بیر آچیق حقیقت دورکی، اولوس وتاریخ اوزی بو حقده حقیقی قضاوتچی بوله دی دیب اویلای من .

اوشنداق کی تاریخ جریانیده اوغانستانلیک تورک خلقلری کورگن جفالر وبلا لرنی، اوغانستان اسمی بیلن مسما بولگن بو جهنم جغرافیا سیده کی حقیقی شکل لرده ، بیلیش و توشونوش فقط تورک بولوب یشه گن زجر کورکن تورک جامعه سی آدملری، فهیم انسانلر و ضیالی شخصیت لری گه ممکن، ففتا نینگ هم اون ییل دورانیده کورگن نامرادلیگ لر، قینچیلیکلر، کج فهم لیکلر، معامله گرلیک لر، جاه طلب لیکلر، منمنلیگ لر، منفعت اختریش لر، قدرت طلب لیکلر، توطئه لر، دسیسه لر، نفاق ساچیشلر،       توشنماوچيليکلرويوزلر بشقه کسللیکلر باتلاقیگه ، دوام تاپیش واونلب مرتبه سودا گرلیگ ومعامله گر لیکلر بازاری دن نجات تاپیشی ساده گینه اول ففتاچیلر گه آچیق وقویاشدیگ یاروقدور کی ، بو اون ییل دوامیده ، کیچه کوندوز، ایسیق ساووقنی کورمای ، خلق وعدالت یولیده هر بیر لحظۀ حیات لری نی ایثار ایلب وهیچ بیر ایشدن کی کوچلری ایتره ایكن دریغ قیلمگن دورلر!

مین شو لحظه  وبو تریبوندن توریب تا شو کونگه چه هیچ بیر یاردم لرینی دریغ ایتمگن اولکه میزده گی برچه ففتا اعضالری وفرهنگی شخصیت لریمیزگه چین یورک دن ممنونیت کورساتیب، تینگری تعالی دن اولرگه تا حیات لری بار ساغلیگ وسعادت و تاریخ صحیفه لریده یخشی واونوتيلمس شخصیت گه ایگه چیقیشلری نی استدعا قیله من.

اگر بیز ففتا نینگ قدم قدم اوسیب بولحظه گه چه کیلیشی نی معجزه دیسک، نا توغری ایمس. اوتگن تجربه ودستآورد لر اساسیده، مونشن کنفرانسیدن باشلب، تیلبورگ قورولتایی، کپنهاگن جرگه سی، ناروی کنفرانسی، هامبورگ ملاقاتلری، هامبورگ جرگه سی، مونشن ايكينچي ففتا جلسه سی، فرانکفورت جلسه سی، اطریش جلسه لری، سویدن ومالمو ده بولوب اوتگن ففتا چیلر فعالیت لری، دنمارک ده بولوب اوتگن ففتا حرکتلری، هالند ده بولوب اوتگن حضوری اولتیریش ، کانادا ده ففتا اسمی بیلن آچیلگن اوقوو مرکزی کی اونده اوزبیک تیلیده ، اوزبیک وتورکمن باله لریگه درس اوتیله دی، مدرسه ومسجد امام بخاری نی کانادا اولکه سیده ففتا کانادا اعضالری بخصوص نجیب ضیاءالرحمان جنابلری وبشقه بیر خیل ففتا چیلرنی یاردم وفعالیت اساسیده آچیلیشی، ایکینچی قورولتای ففتا مالموشهریده برگزار بولیشی، وشو قورولتای ده ففتا اساسنامه  سی نی اوزگرتیریش وریاست سیستمی نی دوراني شورا سیستمی گه ایلنتیریش، وتا شو حاضر لحظه گه چه ففتا نی شورایی شکل گه ، کامیابلیگ بیلن اداره ورهبرلیگ قیلینیشی، اوغانستان گه بولگن سفر لر، ففتا نماینده لیگ لرینی: فاریاب، سرپل، جوزجان، بلخ، قندوز، تخار ولایت لریده آچیلیشی،  ففتا انترنیت سايتيني آچیش، مادی ومعنوی بوش قول بیلن، بیر اعتبار لیگ تاریخی، اجتماعی، مدنی وسیاسی صفحه گه ایلنتریش، يوزلب مقاله وپیام لرنی اوغانستان وجهانگه بولیب تورگن هر بیر کونلیگ حادثه لر، توطئه لر، ماجرا لر نی توغریسیده چی، اوغانستانلیک تورکلرنینگ هر کونلیک حیات وسرنوشت لر یگه ارتباطی بارایکن ، اوزبیک، دری و انگلیسچه  تیللرده ترقتیش، ملی وعلمی شخصیتلر اراسیده  ارتباط قوریش، اوغانستانلیک ایری ایری سیاسی ومدنی قوروملر بیلن ارتباط آلیش وفکر المشتیریش، اوغانستانده بولگن طبیعی حادثه لر نی توغریسیده فعال وعملی یاردم لر کورساتیش، میمنه رادیو سینی بنیاد قیلیش، نوایی وبابر انجمن لری بیلن جوزجان ولایتی گه یاردملر كورساتيش، کوپلر کتابلرنی تورکی اوزبیکی تیلده باسیب چیقریشی گه مادی ومعنوی یاردملر بیریش، تخار ولایتیده ففتا شعبه سینی آچیب راجستردن اوتکزیش، اوچ مرتبه مصور تاریخی تقویملرنی بیرینچی مرتبه اوغانستانده تورکی تیلگه تیار لب چاپ ایتیش وجامعه گه ترقتیش، بلخ ولایتی ده 16 انجمن و مدنی نهادنی بیرلشتیریش ودفتر آچیش، شبرغان شهریده بی بضاعت محصل لرگه یاتاقخانه آچیشیگه یاردم بیریش، سرپل ولایتی نینگ تحصيلي ومدنی نهاد لری اوچون هر تورلي مادی ومعنوی یاردملر تأمین قیلیش، جنبش ملی اسلامی حزبی نی برابریگه بولگن توطئه لر قرشی سیده قرار تاپیش وعاجل عکس العمل لر نی یولگه سالیش، بشقه اوغانستانلیک ملیتلرنی ملی وعلمی شخصیت لرینی یاد قیلیش وتقدیر قیلیش محفل لری گه سهم آلیش، شو ترتیبگه یوزلر کته کیچیگ فعالیتلر بیلن هر کونلب ، توختلمسدن سهم اليش! اوزیدن اوزی بیر جمعی فعالیت وبیرلیکدن شهادت بیره دی و بو فعالیت شو لحظه گه چه هم دوامی بار.

اگر ایتیب اوتیلسه شو مادی ومعنوی فعالیتلر برچه سی فقط ففتا اعضالری نینگ رضاکارانه یاردم وفعالیت لری بیلن ایلگری کیتگن وهیچ بیر داخلی ویاخارجی منبع دن حتی بیر تنگه هم یاردم آلینمگن ، شاید ایشتوچی لر گه باوردن اوزاق کورونسه! مگر بو حرف یوزگه یوز حقیقت وهیچ کیم و هیچ بیر مرجع بوباره ده یلغان دیب بیران سند چیقره المیدی.

ففتا عملن هر قنداق وابسته لیکدن فارغ و حزبی علاقه لردن آزاد بیر نهاد بولیب، اوغانستان لیک تورکی خلقلر وبشقه اولکه داشلر نینگ خدمتلریده قرارتاپیب ، حق وعدالت اوچون تا شو کونگه قدر كوراشيب كيلگن. بیز، تشکیلاتیمیز افتخار بیلن روزگاريميز نينگ عدالت خواهلیگ صحیفه سیده مناسب اورین تاپگنيگه ایشانه ميز. البته کم چیلیگ لریمیز هم آز بولمگن!

شو کمچیلیگ لر سببلی ففتا قیلالمدی ارمانلريگه موافق اوز هرتمانله مه اوسیشی و ايلگري كيتيشي گه دوام بيريب ، هركونليگ قول قویيلگن اماجلريگه توفيق تاپسه!

بوكمچيليك لر كوپ عامل لرگه باغليق بولیب همه سيدن مؤثر راغي زمانوي عيني واقعيتلر گه باغليق بولیب، ملي توشونجه لر شكل أليشی نینگ كمليگي وشونگه مربوط اتحاد واتفاق نینگ ضعیفلیگی، اوغانستانليک توركلرنينگ هرتونليک وهركونليک اجتماعي، مدني وسياسي حيات لريگه تیگیشلی دور، شونگه اساسا اوغانستانلي تورك اولوسي تا شو كونگه چه هم جمعي ملي منفعتلریني بيليش وتعريف ايتيش يوليدن، جمعي ملي اماجلريني سياسي ، اجتماعي، مدني وبشقه عرصه لر ده، بيرليگ وبرابر ليک بيلن، تعريفلب وعملگه أشيريش دن محروم قالگن حالتده دورلر.

البته کیینگی تاريخي دورانلرگه مرتبط، اولكه ميز ده بولوب تورگن تينج سيزليکلر ، ايچکری  وتشقریدن ياغمير كبي ياغيب تورگن تورلی مصيبتلر وتضادلر هم ، بوجمعي مسأله لر نينگ اورته گه كيليش ودوام تاپيشيگه تأثير سيز ايمس ديب اويلايمیز.

مسلما اوغانستان تورك خلق لري نينگ شو نيچه كيينگي عصرلر ده تاريخي اسارتلر گه يوليققن ليکلري، دنيا بویيچه برچه دنيا توركلري نينگ ايري ايري مصيبت ونفاق لر گه مبتلا بوليش اساسيده ، بويوك وچاره سيز قیينچيليگلر گه يوليقگنلري هم بؤ موضوع ني اوستيده تأثير سيز ايمس.

ففتا نينگ بيرينچي حيات كونيدن تا شو كونگه چه فرهنگي ياردمچيليگ لر ضعيفليگي، فرهنگي وعلمي شخصيتلر تمانيدن، وياهرتونليگ ايچكي وتشقي بحرانلرگه يوليقگني ، ناخواسته سوء تفاهم لر اساسيده، هيچ كيم نینگ نفعي گه بولمگن، وياهم اقتصادي پرابلملري كي دائماًففتا ني دامنگيري ايكن، گاهي ده هم اعتماد بحرانلري ، بخصوص تاشقري تماندن، بي اساس ارقه دن اوريشليگ پروپاگند لر مبناسيده شكلنگن واونلر بشقه كمچليگ لر، همه سي شو يوقاريده ايتيلگن علتلر دن سرچشمه ألگن. بوعلت لر ني تاپيش وحل قيليش همه ضياليک لر اينيقسه ففتا أعضاء لري نينگ اينگ بويوک مسؤليتلري دور!

ففتا ايكينچي مالمو قورولتاييدن بير كيشيليک رياستي سيستمیني أوز برنامه سيده اوزگر تيريب جمعي دوراني مديريت سيستميگه قدم قويدي، تابوكونگه چه أغير بير تجربوي دوراننی باشدن اوتكريب، موفقانه ففتا أوز بارليگي، واوغانستانليگ تورك خلقلري نينگ هركونليگ سياسي، اجتماعي، فرهنگي حياتلريگه بولوب تورگن حادثه لر توغریسيده سهم أليش وعمل قيليش يوليده امکانی باریچه عمل قيليب هرگز هم غفلت وتفاوتسيز ليکنی أوز تشكيلاتيگه إذن بيرمگن.

البته شو دوران ده دوكتور محمدعثمان بيليم بيرينچي دوراني سيستم باشليغي ففتا گه، حرمتلي جنرال سراج الدين قيتمس ياش اولوغلر باشليغي، نيك محمد مرادي ففتا نينگ منتخب مالي مسؤلي ايكينچي مالمو قورولتاييده، رحمت الله رحيمي پيلوت مسؤل روابط وأمريكا ده ففتا بولیمي نينگ باشليغي، حرمتلي أكادمسين سيد عبدالحكيم شرعي جوزجاني ففتانينگ علمي وفرهنگي مصلحتچي سي، حرمتلی کاندید اکادمیسین واحدی جوزجانی ففتا نینگ مشورتچی سی ، حرمتلي محمد هاشم همدم اوغانستان ايچكريسيده ففتا بولیمي نينگ باشليغي، حرمتلی صالح محمد حساس ففتا نماینده سی بلخ ولایتیده،حرمتلی دوکتور محمد معروف ثمر ففتا نماینده سی فاریاب ولایتیده، حرمتلي نجيب الله ضياؤالرحمان ففتا باشليغي كانادا ده، حرمتلي يحيا حفيظي ففتا نماينده سي جوزجان ولايتيده، حرمتلي معراج الدين محمودي ففتا نماينده سي تخار ولايتيده ،  حرمتلی استاد غلام محمد چنگیز، حرمتلی استاد راجی قالمس تخارولایتیده ، حرمتلي صبور حيدري وسيد حسن فاريابي ففتا نينگ فعال اعضالريدن ناروي ده، عبدالحق فیضی ففتا باشلیغی دنمارک اولکه سیده، زهره فیضی، محمد مراد نوری، هدایت الله چوپان، هاجره پیمان، جناب جنرال محمد صادق پيلوت ففتا نينگ فعال ياردمجي سي،  انجنیر غیب الله سیدی،  فرهاد رجبی،  محمد موسی تخاری، مسعود عزیزی وبشقه لردنمارك اولكه سيده، تورديقل ميمنگي دائمي فرهنگي فعال شخصيت ففتا ده، حرمتلي دوكتور قمرالدين مصلح ففتا نينگ ياش الوغلر شوراسي نينگ دائمي وفعال عضوي، حرمتلي دوكتور أمان الله عصمتي ففتا نينگ مادي ومعنوي ياردمچي سي، حرمتلي دوكتور عبد الله تاشقين ففتانينگ ياش اولوغلر شورا سي نينگ فعال عضوي، حرمتلي عبدالله روئين جنابلري ففتا نينگ فرهنگي حامي وياردمچي سي، حرمتلي سيد محمد عالم لبيب عضو كميسيون فرهنگي ففتا، دوکتور عبدالستار صمدی،  الحاج محمدرفيق والحاج خيرمحمد مخدوم وعبدالمجيد اوزگون، عبدالرسول وثيقی ففتانينگ فعال اعضالري هامبورگ شهريده وبشقه ففتا ياردمچي لري دن، هر ايرگه بوليشلريدن قطع نظر، چين يورك دن ممنونيت إظهار ايته ميز.

بوكون وشو قورولتايده جايي دور كي اوتگن اچيق تجربه لر وروزغار سبق لري نينگ فهم والهاملري بنياديده، اوغانستان ده بولوب وأوسيب تورگن سياسي، اجتماعي، قومي، امنيتي، اخلاقي، اقتصادي وانساني رابطه لر بحرانلري بویيچه برچه مليتلر اينيقسه توركلرنينگ هركونليگ حياتلري ده گريبانگير بوليب تورگن ، اساسي مسأله لر گه توجه لر يميز ني معطوف ايلب وچيقيش يوللری اوستيده بحث قیلیب، نتيجه آلیشیمیز اونومليک ديب اويليمن. تا بؤ دور تاريخ وكيله جك لر ده بو قيئن احوال لردن چيقيش علمي وملي كليد لرگه قول تاپيب ، بواچيق تجربه لرني تكراربوليشيدن ممانعت ايتيب بيلسگ.

شو موضوع گه تیگیشلی قوییده گی  اساسي مسأله لر گه توجه ايتيشنی مهم ديب ، اولر اطرافیده فكري وعملي جهتلردن تمركز قيليش وارزش بيريشيني تأكيد قيله ميز:

  • بير لیک وبرابر ليک نينگ سياسي، عقيدتي، حزبي، منطقوي، قبيلوي مانع لری و باشقه أسباب وعلت لریني اوغانستانليك توركلرآره لريده وبشقه اولكه داشلربیلن، هربير جهت دن بولسه تاپيش واورته دن إيليتش !                             . .هربير شخص و يَا گروه  اوز فردي، يا گروهي كيچيك وارزیمس منفعت لری اوچون، اوغانستان توركلری نينگ بيرليگی وبرابرلیگی  يوليده تاش آتیب توسقینلیک قیلسه، بو ایشنی ناتوغري، خلقیمیزگه جفا وخيانت ديب بيله ميز.
  • اوغانستان اولكه سيده ، تورك خلقی نينگ هيچ بير اولكه داش قوم وقبيله بيلن دشمنليک ومخالفتلري يوق، مگر بو كي عظمت طلب ليک وتماميت خواهليکدن کیلیب چیققن فردي و يا جمعي حركتلر،  قوملر ومليتلر اسميدن بهره لنيب؛ سياسي ، اجتماعي ، اقتصادي ومدني حركتلر جريانيده، تورك خلقلريني انساني وطبيعي حق وحقوق لريگه متجاوز واقع بولسه لر. البته بو کبی حالت لرده هم، تورك خلقی نینگ حق طلبليک مبارزه لري اوشه سياسي ومدني افراد وجمعيتلرنينگ قيليش وبيليشلريگه معطوف بولیب، قيسي بير قوم و یا مشخص قبيله گه قره تیلگن ایمس!
  • ففتا بو کون جهان ده یوز بیریب تورگن سياسي، مدني، بشري، نظامي واجتماعي مسأله لراساسيده ، خلق ارا انسان حقوقلري جهاني اعلاميه سي، خاتون قيزلر برابر ليك جهاني اعلاميه سي، باله لر حقوقلريدن دفاع قيليش، طبيعت ویشش محيطينی سقلش بوییچه جهان مقیاسیده گی فيصله لردن دفاع قيليش، تبعيض ونژادپرستليك که قرشی اوغانستان وجهان بویيچه مبارزه قيليش، تینچلیک و دموكراسيدن دفاع قيليش، ازادليك، بيرليك، برابرليك و برچه جهاني ميثاقلر و اوغانستان اساسي قانوني ده بار دموكراتيك قدریتلرگه پايبند ومتعهد بوليش.
  • ففتا اوغانستانده بير ملي- دمكراتيك توزوم، مركز لشتيريلمگن فدرال پارلمان شكل ومحتواسي بيلن اورته گه كيليشی اوچون مبارزه قيليشني، كثيرالمليت اولكه ميز ده ، ملی مسأله نی عادلانه ودموكراتيك  حل قیلیش اوچون، کوره شیشنی أوز بورچي بيليب ، هرتورلي تجزيه طلب ليک داعيه لريگه قرشي توره دی.
  • ففتا حاضر كي نيمچه دموكراتيك نظامني سقلش بیلن، اونی اصلاح قیلیب تكامل لشتیریش وعادلانه بير نظامگه ايلنتیریش، شوینيسم وبرتري خواهليك برچه شكل لریدن مبرا بولگن بیر نظام صفتیده دفاع ايتيب، سالم سیلاو (انتخابات) یوليدن دولت ، پارلمان وقضانينگ مستقل بوليشيگه متعهد دور.
  • ففتا، پارلمان وحكومت، دموکراتیک انتخابات لرگه سیاسی احزاب ایرکین سهم أليش طريقيدن اورته گه كيليشيدن حمايت قيله دي.
  • ففتا، تبعيض، تعصب، تماميت خواهليك و حاكميت طلب ليک نينگ برچه اشکالینی، شونینگدیک  سياسي قدرتني مرکزلشتیریب بير قوم وَيَا قبيله وَيَا گروه نينگ انحصاریده قوییش ني ، عدالت و دموكراسیگه مغایر ديب، اونگه قرشي مبارزه ايتيش ني أوز بورچي ديب بيله دي.
  • ففتا،اوغانستان ملي إسلامي جنبشی حزبی نینگ، رشد وكمال گه یيتيشيدن حمايه قيليب، بوحزب خلقیمیزنینگ تاريخي یوتوغی و مينگلر شهيد نینگ عدالت وحق سيورليك يوليده توککن قانلری نینگ بهاسی دیب توشونه دي.
  • ففتا تورك خلقلري نینگ أنه تيللريني رشد وكمال گه یيتکزیش اوچون متعهد بولیب، تورك خلقلري وبرچه اقوام ومليت لرنینگ أوز أنه تيللريده اوقيش، اورگنيش و معنوي كمال لر گه ايریشیشی دن دفاع قيله دي.
  • ففتا، قومي وملي هويتني، هر بیر انسان و هر بیر قوم و ملیت نینگ انساني حقی دیب بیله دی وهيچ قومگه بشقه قوملر ومليتلرنينگ هويتي گه متعرض بولیشگه حق بیرمیدی.
  • ففتا أنه تيل، ملي تاريخ، ملي فرهنگ و يشش جغرافی حدودیني هربير قوم ومليت هويتی نینگ اساس وبنيادي ديب ایشانه دی و شوقدریتلردن دفاع ايتيشنی أوز بورچي بيله دي.
  • ففتا شو غايه لر اوچون مبارزه وتلاش ني عقلاني وايماني شكلده دوام بيريب، عمل قيليشني هر بير تورك، اينيقسه اوغانستان توركلری نينگ بورچي بيليب، جهان مقیاسیده شو أماجلرگه ايریشيش اوچون مبارزه قيليش ني فرض ديب ایشانه دي.
  • آخرگی سوز شو كي:
  •  تيلداشلر، اولكه داشلر! كيلينگلر کینگ فكر، سيوگيدن توله يورك و انساني انديشه لر بيلن مجهز باش بيلن، برچه بيليم وتجربه لريميزنی بيرلشتيريب، ازادليگ وعدالت يوليده كوره شيليک !
  • يوللريميز تگيس بولمه سه هم، ازاد بوله ميز وعدالتگه ايریشه ميز!

توجه لرينگيز اوچون كته رحمت!

پاسخ ترک

Please enter your comment!
Please enter your name here