تخار ولایتی چاه آب تومنیده بیرعیال یاواییلرچه کلتکلنگن

0
123

۱۳۹۶ ییل نینگ ۱۲ دلو تاریخیده چاه آب تومنی رباط عمدین قیشلاغیده، بیر عیال که حالی گچه آتی آچیلمه گن عامه برابریده کلتکلندی. عیال ایری ایران مملکتی ده یشه یدی و بیر یاش ییگیت بیلن عاشق لرچه علاقه اورنتگن ایکن که منفور گلبدین نینگ اسلامی حزبی گه باغلیق بشیر قانت نینگ باش گروپ لریدن بیری قمندان فیض بویروقی بیلن دله محکمه سیده یاواییلرچه کلتکله نه دی.

فیسبوک ترماقیده نشر ایتیلگن ویدیو-ده، برقع لی عیال نی کوره میز که حتی نیچه قتلم تیکه نینگ آستیده قورقیشی نی احساس قیلیب بوله دی، ییرگه اوتیرماغگه زورغه وادار قیلینیب وسونگ آچیغ لنگن ایرکک لر قول لریده گی یغاچ لر بیلن عیال نینگ آرقه وباشقه ییرلریگه یمان سوزلر بیلن اوره باشله یدیلر. البته، بو عیال بیر باله هم دنیا گه کیلتیرگن دیب ایتیله دی که اوشبو گناه سیز انسان، تورموشینیگ بیرینچی ساعت لریده ییغینده بولگن هیولا صفت آدم لر ارقلی اولدیریله دی وسونگ بو عیال نینگ جانیگه توشه دیلر. بو مظلوم عیال نینگ حاضرگی وضعیتی باره سیده کوپراق جزییات بیریلمه گن، بیراق حاضر تورموش اورتاغی اوییده حیات کیچیرماقده دیب ایتیله دی.

ایسلش کیره ک که بو جنایت طالب وداعش حاکمیتی آسیده بولگن منطقه ده یوز بیرمه گن بلکم ملی دهشت دولتی نینگ حاکمیت آستیده گلبدین آتلی جانی نینگ قول آستیده گی کیشی لر تمانیدن یوز بیرگن که بوگون صلح سفیری اوله راق کته کورسه تیله دی و بو چولاق ومعیوب امیرک قان توککن وقان ییگن پیت لریدن عامه وی ذهن لرینی چلغیت ماغی اوچون، دری وفارسچه ایریم تیل لر دیب خلقی میز نی آلده ماقچی. چاه آب ده یشه یدیگن لر هرکون بشیر قانت و اونینگ باش گروپ لری ظلمی نینگ آستیده ایاق آستی بوله دیلر بیراق هیچ سوراقچی لری یوق.

پاسخ ترک

Please enter your comment!
Please enter your name here